恭喜發財呀～今日已經係年初四，多數人都要返工，包括我KK在內。咁快又過完新年lu，都係準備新年好玩，買下年花辦下年貨，好有氣氛。但到左真係新年就好悶，因為親戚唔多，去拜年一日就搞掂，又唔會有好多人黎我屋企拜年，所以新年對我黎講都幾悶。

咁沉悶既新年，但係尋晚就發生左一件令我幾意外既事 - 我n年前既男朋友Brian無端端打電話比我。除左講恭喜發財之外都係問下近況咁樣啦，都傾左成粒鐘，好彩果陣都11點幾，KK已經訓左唔會打比我，如果唔係都傾唔到咁耐。

點解佢打比我我會咁意外呢，唔係因為事隔太耐，係因為散果陣我覺得佢應該會幾嬲我。散左個幾月之後我都曾經有試過搵佢，但佢都好似唔想采我咁，之後就一直冇聯絡，我估佢連我電話都會delete埋，但尋晚無端端打黎，所以都幾奇怪。不過可以做返朋友我都好開心～

成個月冇update過，差d連個password都唔記得埋喇，哈哈．．．

呢排愛上左玩上海麻雀，上now.com玩，一玩就停唔到，而家已經去到高級，越黎越難玩喇！

今日已經係2月喇，好快就情人節，跟住就新年，唔知今年有冇花收呢？

哇哈哈哈哈．．．歷時三個星期，終於都等到件冷背心返新貨，而今日終於都比我買左返屋企，係你既始終都係你既。除此之外，今日既收獲仲有一條灰黑色短褲同一件灰黑色橫間tee．．．原來今日買埋d野都係灰色黑色。

睇唔到咁歷史性既一刻 --- Yumiko甩褲。比咁多人睇住甩褲其實都幾慘，但又好想睇下點甩，係咪好衰呢？

今日又bbq，去左kk個老細間豪宅既會所度。其實kk好唔想去，但係老細叫到唔去又唔比面，加上佢其他同事都帶埋女朋友或者老婆仔女去，所以我就被人焗左去喇。

去到d人我多數都唔識，只有一兩個佢既熟同事我見過。我地未夠3點鐘就到步，但係因為book左3點先會開爐，所以就上左佢老細屋企坐。佢老細屋企o係頂樓 (但都只係12樓)，係兩層既單位，有5個人住：老細兩公婆，佢地4歲大既女同兩個賓賓。雖然地方都已經好大，但比我想像中細，我覺得佢地個女好幸福囉，4歲人仔自己有間咁大既房，仲成間房都係米老鼠，都不突止，仲要有間玩具房，真係奢侈！

參觀完一輪之後就落去燒野食，佢地一早派人去set好晒野，去到就見到有好多野食，除左平時燒野食一定有既香腸、丸、雞翼之類，仲有同朋友去bbq一定唔會燒既帶子同d背殼類、一d好大隻既蝦同和牛牛肉串呢類貴野，果然有錢人係唔同d。

一路燒野食其實都幾悶，因為唔係我d朋友，kk佢同d同事傾計，我就坐o係度係咁食野同飲野，因為有工人負責燒，同埋係用鐵板燒，唔駛自己吉住d野食黎燒，所以就悶上加悶。捱到5點幾佢地開始諗d遊戲玩，但係玩左一陣就發現好多蚊同天開始黑，就話上佢老細度再玩過，kk同有少數同事就趁機話走先。就係咁成功走甩左！如果唔係肯定有排悶。